Kash-ma-kash-e-zindagi

Tang aa chuke hain, kash ma kash-e-zindagi se hum

Thukraa naa dein jahaan ko, kaheen beydilli se hum

 

Mayusii-e-ma’al-e-mohabbat na puuchiyeh 

Apnon sey pesh aaye hain beygaanagi sey hum

 

Lo aaj humne tor diya rishtaa-e-umeed

Lo ab kabhii gilaa na karengay kisii se hum

 

Ubhareingay aik baar abhi dil ke val-valay

Go dab gaye hain baar-e-gham-e-zindagii se hum

 

Gar zindagi mein mil gayee phir ittefaaq sey

Poochain gey apna haal teri bebasi sey hum

 

Allah re fareb-e-masahiyat ke aaj tak

Duniya key zulm sehtey rahey khamooshi sey hum

 

Hum gham-zada hain layeen kahan se khushii key geet

Daingey wohi jo payeengay is zindagi sey hum…